Birziklaren jarduera nagusia inprimaketako kartutxoak —inkjet/tinta nahiz laser/tonerrak— birziklatzea (birrerabiltzea) da. Horretaz gain, inprimaketako zerbitzu orokor bat eskaini nahi dio Birziklak bezeroari; ildo horretatik, honako zerbitzu hauek guztiak eskaintzen ditu:

• Inprimaketako hondakinak bildu eta kudeatzea.
• Zerbitzu teknikoa —inprimagailuen mantentze eta konponketa—.
• Inprimatzeko beharrezkoa den material ororen salmenta (inprimagailuak, birziklatutako material suntsikorra, paper birziklatua,…).

Eskaintzen ditugun zerbitzuek merkatuko sektore guztietara iritsi nahi dute (industria, administrazioa, zerbitzuak, irakaskuntza, osasuna,…), eta bezeroaren etxean bertan eskaintzen dira, bilketak eta entregak geuk egiten baititugu.

Baina partikularren eskura ere egon nahi genuke; horregatik, herritarrak Andramari kaleko 9an (La Salle ikastetxe parean) dagoen dendan eros ditzake jada kartutxo birziklatuak. Kartutxo originalaren kalitate bera dute kartutxo birziklatuek, eta prezioan alde nabarmena dago (% 50 merkeagoa izan daiteke kartutxo birziklatua).

Bestalde, herritarrak ordutegi zabala duten hainbat lekutan utz ditzake kartutxoak:

• Udaletxeak.
• Eskolak.
• Liburutegiak.
• Kiroldegiak.
• Birzikla denda…

Edukiontzi laranjak ipini ditu Sasietak horretarako. Ingurumenaren izenean, erabil ditzagun bada, kartutxoen edukiontzi laranjak.